8 / 21 февраля 2023 года. Святой блаженной Любови Рязанской

Тропарь, глас 5

Любо́вию нарече́на была́ еси́ во свято́м креще́нии, / Любо́вь Христо́ву позна́ла еси́ в житии́, / Бо́гу и челове́ком любо́вию послужи́вши, / дерзнове́ние ве́лие стяжа́ла еси́, / те́мже к тебе́ усе́рдно прибега́ем, / из глубины́ серде́ц на́ших взыва́юще: / моли́ся у́бо ко Го́споду, / Любо́вь блаже́нная, богому́драя, / дарова́ти ми́рови мир // и душа́м на́шим ве́лию ми́лость.

Кондак, глас 4

Святи́телем Христо́вым Никола́ем исцеле́нная, / и на служе́ние Бо́гу и лю́дям и́мже благослове́нная, / крест свой юро́дства с любо́вию до конца проне́сшая, / свята́я блаже́нная Любо́вь, / не оста́ви нас, почита́ющих святу́ю па́мять твою́, / предстоя́ в ли́ке святы́х Престо́лу Пресвяты́я Тро́ицы, / моли́ся о благоде́нствии Оте́чества твоего́ // и о спасе́нии душ на́ших.

Величание

Ублажа́ем тя, свята́я блаже́нная ма́ти на́ша Любо́вь, и чтим святу́ю па́мять твою́, ты бо мо́лиши за нас Христа́ Бо́га на́шего.

Читать о святой блаженной Любови Рязанской на сайте Николо-Ямского храма города Рязани